ازاى تختار ملابسك

كلنا بلا شك بنرتكب اخطاء لما بنختار ملابسنا

اللى جاى تفسير لبعض الاخطاء دى ...

---------------------------------------------------

1. الشرابات ( الجوارب ) والصنادل

مين قرر بأن المنظر دا مقبول؟ باين أن الرجال اللى بيلبسو الموضة دى بيبردو بسرعة أو عايزين الصيف يهل بسرعة ، ولكن لبس الشرابات" الجوارب" مع الصندل مش هيغير الطقس أي كان. عشان كدة قرر الآن أنت حاسس بالبرد ولا الحر؟، إذا كنت حاسس بالبرد فالصندل والجوارب مش هتقيك فى البرد، أما إذا كنت حاسس بالحر فأكيد انت بتهزر !! ، انت بتصدق بردو ان لبس الصنادل على الشرابات حيخفف من البرد ؟؟، راجع نفسك!

---------------------------------------------------

2. ربطات العنق، والقمصان

مش عارف ايه الحلاوة فى لبس جرافيت عليها وجوه ضاحكة !!!، ولا قميص عليه فيلة طائرة، سيب الموضة دى و امشى من المحل دا خالص اللى بيبيع الحاجات دى .
---------------------------------------------------

3. العلامات التجارية

لو كنت بتشتغل فى الشركة المصممة للبدل دى ..اوك مش هنقول حاجة .. ولكن تحب انك تمشى و تعلن عن الشركة دى بالظريقة دى ؟؟! على العموم لبس القمصان، والبدلات اللى بتظهر العلامة التجارية للمصمم مش يبتعتبر موضة أبداً.
---------------------------------------------------

4. حقائب الظهر في المكتب

على الرغم من أناقة البدله، و الكرافيت و الجزمة ، فى بعش الرجال بتلبس شنط على ظهرهم و هما رايحيين الشغل، وتفكر في الأمر، ليه ؟ قعلا يا اما مافيش شتط ايد كفاية يا اما هما بيعشقو ذكريات المدرسة ههه. إذا كنت لابس ملابس رياضية اشتري شنطة رياضية او سيب الشنطة دى خالص .
---------------------------------------------------


5. الجزم الكبيرة

الموضة دى كانت في التسعينيات، سيب الجزم دى دلوقتى و اختر شيء كلاسيكي يمشى مع احتياجاتك. وسيب الكوتشى الرياضي إلا إذا كنت مدرب الفريق الوطني.ساعتها محدش يقدر يكلمك هههه
---------------------------------------------------

6. القمصان والبدلات اللامعة أو المتألقة

لو كنت بتبحث عن ملابس تقضى فيها بعض الوقت في النادي الليلي فامفيش مانع بأنك تكون محط أنظار الجميع، أما إذا كنت عاوز تروح حفلة عامة، فممكن انك تلبس بدله كلاسيك سوداء، وقميص أسود و مممكن كمان تلبس القميص والجاكت مع جينز غامق، و شوز رسمي إذا كنت شخصية متحررة.

---------------------------------------------------

7. الملابس الواسعة جداً

باختصار، منظر المهمل. دا لو مكنتش فنان هيب هوب ، متلبسش ملابس واسعة. اختر ملابس تلاءم جسمك. جرب عدد مختلف من الملابس بعد كدة اختار اللى يناسبك يناسبك.

--------------------------------------------------

8. الالوان فى موسم الاوكازيون او الــsale

متشتريش ملابس بألوان مش لايقة عليك مش مناسباك و دى بس عشان لاقيتها فى الاوكازيوم او التخفيضات . اختر اللى يناسبك من ألوان تليق بلون بشرتك، ولون شعرك، ولون عيونك ، فأنت تستحق أنك تشتري اللى يناسبك بقيمة نفلوسك .
--------------------------------------------------


9. البنطلون العجيب

فى بعض الرجال بيحبو اوى بنطلون عندهم لدرجة انو بيلبسوه على طول و لو اتوسخ يلبسو غيرو و تانى يوم يكون مغسول و ملبوس برضو و واضح ان البنطلون دا لايق على كل حاجة فى الدولاب، ولكل مناسبة. ليه الرجالة دى بتتعلق ببنطلون واحد ؟؟ سؤال لا يمكن الإجابة عليه ولكن ممكن معالجته، اتخلص من البنطلون العجيب دا ، و اشترى مجموعة من البنطلونات المريحة على الأقل لاوم يكون موجود فيه 3 أنواع من البنطلونات، قماش، وجينز، وكتان. و4 ألوان أساسية، أسود، أرزق غامق، وبني، ورمادي. و لو مش مجود فى دولابك الأساسيات دى فأنت خارج نطاق الموضة.

------------------------------------------------

10. الجاكت المهترئة

يصر بعض الرجال على لبس جاكيت واحد طول فترة الشتاء، وعلى الرغم أن اللى تحت الجاكت بيكون انيق إلا أن الجاكت بيضيع كل شيء، انت متعرفش ان الهدية بتبان من غلافها! اشترى نوعين من الجاكتات طويل وقصير، واختر نوعين كمان من القماش، جاكت واقي من المطر" ووتر بروف "، وجاكت أنيق من الجلد.

و ظبط انت تفنيشاتك الاخيرة

















th-youth.forumegypt.net==>>منتديات شباب الثانوية