شاب بيحكى قصته مع الحب

شاب بيحكى قصته

قصة حب



انا محمد الشامى فى كليه هندسه
ليا قصه غربيه شويه ومحدش هيصدقها بس هاحكيها عشان غيرى يستفيد :
ايام الثانويه العامه اخر سنه " 3 ثانوى " شفت واحدة جننتنى من جمالها حبيت فيها جمالها وادبها حتى طريقه لبسها رغم انها محترمه الا انها كانت شيك وتهبل اى حد بيفهم فى نوعيه البنات دى تقدروا تقولوا انى بدات اراقبها من غير ما اعرف شفت حاجات جميله جدا فيها مكنتش متصور ان فى حد بالشكل دا فى الدنيا دى حبيتها حبيتها اوووووى لشخصها ولصفاتها ومحافظتها على دينها وقربها من ربها قلت احاول اقرب هى من الاول خالص كانت فاهمه ولما جيت اقرب انا مش عايزها فى اى حاجه حرام لا قدر الله انا كنت مخطط لكل حاجه بس الغير متوقع انها تختفى بشكل كامل سالت صحبتها قالتلى انها اختفت ومحدش يعرف حاجه حتى رقم تلفونها اتغير وكمان عزلت من بيتها محدش يعرف حاجه عنها . فقدت الامل نهائيا بعد ما قعدت ادور حوالى 3 شهور عليها فى كل مكان وطبعا ملقيتش ليها اى اثر خلصت السنه جات الاجازة وصاحبى اللى عارف كل حكايتى جه وعزمنى على خطوبه اخوة رحت الخطوبه وهنا كانت المفاجأة
مفاجأة من العيار التقيل اووووى
هى كانت العروسه ساعتها قعدت اضحك بطريقه هستيريه روحت البيت وقعدت حوالى 4 اسابيع مش بتكلم مع حد حتى ابويا وامى واخواتى لدرجه ان اخويا اللى برة مصر جالى من السفر مخصوص عشانى عرفوا كلهم حكايتى بس الحكايه لسه مخلصتش .
فقدت القدرة على انى احب لحد ما دخلت الكليه وشفت صداقات كتير منهم بنات كتير
بس محدش بيحاول يفتح كتاب قديم انا قفلته الا واحدة كانت دايما قريبه منى اوى سالتنى عن حكايتى وحكيت كل حاجه اتأثرت عشانى بقينا اصحاب بجد بس مكنتش فاهم انى بردوة هاحبها وبقينا حبيبه زى ما بيقولوا قلت اسال عن الحب القديم اشوف احوالها عرفت انها فشكلت الخطوبه ومرجعوش لبعض لان خطيبها طلع انسان وحش اللى متوقعهوش حد انها تظهر لا والمصيبه اللى بجد انى حبيت الاتنين مع بعض بقيت عايزهم هما الاتنين وعايز اكمل حياتى معاهم مع بعض
نجحت انى اقرب للاتنين مع بعض بس مكنوش يعرفوا حاجه عن بعض او بمعنى ان كل واحدة فاهمه انى ليها لوحدها لحد ما عرفوا ازاى عرفوا انا معرفش بس اللى اعرفه انهم حبونى اكتر ومزعلوش منى بس كرهوا بعض وكانوا بيتخانقوا مع بعض وكمان بيغيروا من بعض لحد ما قررت انى اختفى من حياتهم واظهر من جديد لحياة جديدة
كنت بستغرب هو ممكن الراجل يحب اتنين مع بعض ولما حد قالى ايوة كنت بقوله يا بخته طلع عقااااب
واشد عقاب
بستغرب من اللى بيقول ممكن الحب يبقى صداقه
وانا بقوله ممكن بس ساعتها ربنا بيعاقبك لانه هيبقى انتقام منكم انتوا الاتنين
دى حكايتى استفيدوا منها على قد ما تقدروا لانى مش عايز حد يقع فى غلطتى
محدش يحاول يدور على حب قديم لما يلاقى حد بيحبه بجد
وانا اهو خسرت الاتنين باراداتى انا اتألمت ايوة بس احسن من انى اخسر واحدة بس واتعذب طول عمرى وانا بحب الاتنين مع بعض